नियमित स्वास्थ्य परिक्षण गरौ ,स्वस्थ तथा निरोगी रहौ भन्ने मूल नाराका साथ् टोखा २ स्थित बाल बिकाश क्लबले १०० औ हप्ताको प्राथमिक स्वास्थ्य परिक्षण कार्यक्रम सम्पन्न गरेको छ । स्थानीयका लागि हरेक हप्ता निशुल्क प्राथमिक स्वास्थ्य परिक्षण गराउदै आएको क्लबले आज पनि बिहान ७ देखि ९ बजे सम्म स्वास्थ्य परिक्षण शिबिर संचालन गरेको हो ।
टोखा गणेस्थान स्थित क्लब परिसरमा आज आयोजित शिबिरबाट प्राथमिक स्वास्थ्य परिक्षणमा १४४ जना र पिसाब सम्बन्धि चेक जाचमा ५४ जनाले लाभ लिएका छन ।
प्राथमिक स्वास्थ्य परिक्षण अन्तर्गत आज सुगर, प्रेसर ,अक्सिजन लेभल जस्ता चेक जाच गरिएको र थप अतिरिक्त सेवा अन्तर्गत पिसाब सम्बन्धि चेक गरिएको क्लबका कोषाध्यक्ष रबिन्द्र डंगोलले बताउनु भयो ।
१०० हप्तामा प्रवेश गरेको अवसरमा सिबिर कार्यक्रम संचालनका लागि स्वेच्छिक रुपमा आर्थिक, भौतिक तथा नैतिक रुपमा सहयोग पुर्याउने सबै सहयोगी तथा दाताहरुलाइ क्लबका परिवारका तर्फबाट धन्यवाद समेत ब्यक्त गरिएको छ । क्लबले २०८० साल मंसिर देखि हरेक हप्ता निरन्तर स्वास्थ्य परिक्षण सेवा संचालन गरि रहेको छ।
