खेलकुद

राजधानीमा जारी दोस्रो संस्करणको नेपाल प्रिमियर लिग (एनपिएल) अन्तरर्गत लिग चरणको अन्तिम खेलमा कर्णाली याक्सले साविक विजेता जनकपुर बोल्ट्सलाई ३ रनले हराएको छ । जितका लागि पाएको १३० रनको लक्ष्य पछ्याएको जनकपुरको पारी २० ओभरमा ६ विकेटको क्षतिमा १२६ रनमा समेटियो । कर्णाली याक्सका लागि इमरान शेखले सर्वाधिक ३३ रन बनाए । बलिङतर्फ जनकपुरका लागि आदित्य महता र ललितनारायण राजवंशीले दुई दुई विकेट लिए । यसैगरी जनकपुर बोल्ट्सका लागि ब्याटिङ गर्ने क्रममा सञ्जय कृष्णमुर्तिले अर्धशतकीय पारी खेल्दै ५१ रन बनाए । बलिङतर्फ कर्णाली याक्सका लागि विलियम विसिस्टोले २ विकेट लिए ।...

नेपाल प्रिमियर लिग (एनपिएल) अन्तर्गत मङ्गलबारको दोस्रो खेलमा पोखरा एभेन्जर्सले कर्णाली याक्सलाई ३४ रनले हराएको छ। पोखराले दिएको २०२ रनको लक्ष्य पछ्याएको कर्णाली १९ ओभरको समाप्तिमा १६७ रन बनाउँदा अलआउट भएको हो। कर्णालीका लागि मार्क वाटले अर्धशतक बनाउनुभयो। ३४ बलको सामना गर्दा पाँच छक्का र चार चौका प्रहार गर्नुहुँदै ५९ रन बनाउनुभयो। नजिबुल्लाह जद्रान २४, पवन सरार्फ १९, प्रियाङ्क पञ्चाल १६, कप्तान सोमपाल कामी १३ र गुल्सन झा १० रनमा आउट हुनुभयो। अन्य कुनै पनि ब्याट्म्यानले दोहोरो अंकमा रन जोड्न सकेनन्। कर्णालीलाई सस्तैमा समेट्न पोखराका लागि धनन्जय लक्षन र ऋषि धवनले तीनतीन विकेट हात पार्दा किरण ठगुन्ना, सन्दीप क्षेत्री र कुशल भुर्तेलले एकएक विकेट हात पार्नुभयो। टस जितेर कर्णालीले सुरुमा फिल्ड रोजेपछि पहिला ब्याटिङ गरेको पोखराले पूरै २० ओभर खेल्दै दुई विकेटको क्षतिमा २०१ रन बनाएको थियो।...

टोखा नगरपालिका वडा १ को आयोजनामा टोल स्तरीय फुटबल प्रतियोगिता आज बाट शुरुवात भएको छ ।टोखाको भुतखेल चौरमा नगरप्रमुख प्रकाश अधिकारीले बल हान्दै प्रतियोगिताको शुभारम्भ गर्नु भएको हो। भदौ २१ देखि असोज ६ गते सम्म संचालन हुने खेलमा वडा १ का १० टिमहरु सहभागी हुने भएका छन् ।भुतखेल चौरमा हरेक दिन दिउसो १ बजे देखि खेल सुरु हुने र औसत दैनिक दुइ खेल हुने आयोजकले जनाएका छन । भाद्र ३१ सम्म प्रारम्भिक छनौट चरणका खेल हुने छन् भने त्यस पछी क्रमशः सेमी फाइनल र अन्तिम चरणका खेलहरु हुनेछन् । स्थानीय सेतुबन्ध युवा क्लबको सह आयोजनामा हुने खेल लाइ दुइ समूह मा बिभाजन गरिएको छ ।समूह ए अन्तर्गत जहानिया गाउँ,झोर चापाबोट, फुलबारी, मालुंग,र बौडुगाउँका टिमहरु रहेका छन् भने समूह बि अन्तर्गत गेलालबारी,गैरि गाउँ ,दुलाल गाउँ,लामिछाने गाउँ तथा बिडारी गाउँका टिमहरु रहेका छन् । आज पहिलो दिनको पहिलो खेल समूह ए बा...

टोखा नगरपालिकाभित्रका प्याब्सनमा आबद्ध संस्थापक विद्यालयहरूबीच नगरस्तरीय प्रथम फुटसल प्रतियोगिता आयोजना हुने भएको छ। प्रतियोगिता श्रावण १५ र १६ गते दुई दिन सञ्चालन हुने प्याब्सन टोखा नगर समितिका अध्यक्ष अरुण कुमार केसीले जानकारी दिए। टोखा प्याब्सनद्वारा आयोजित यस प्रतियोगितामा तीन विधामा खेल सञ्चालन हुनेछ— सिनियर ब्वाइज, जुनियर ब्वाइज र ओपन गर्ल्स। कार्यक्रम संयोजक तथा प्याब्सन टोखा नगर कोषाध्यक्ष दिपेन्द्र थापाका अनुसार प्रतियोगितामा सिनियर ब्वाइजतर्फ २१ टिम, जुनियर ब्वाइजतर्फ १४ टिम र ओपन गर्ल्सतर्फ ७ टिमले सहभागिता जनाउनेछ। खेल सञ्चालनका लागि दुईवटा भेन्यु तोकिएको छ। प्रतियोगिता समापन श्रावण १६ गते शुक्रबार गरिनेछ। समापन समारोहमा विजेता टिमहरूलाई ट्रफी र मेडल प्रदान गरिने आयोजकले जनाएको छ। बुधबार, श्रावण १४ गते आयोजित पत्रकार सम्मेलनमा प्याब्सन नगर समिति सदस्य तथा आयोजक टोलीका ...

काठमाडौं । टोखा भगवती क्लबले सहिद स्मारक ‘बी’ डिभिजन लिगमा उपविजेता बन्दै ‘ए’ डिभिजनमा बढुवा हुने ऐतिहासिक उपलब्धि हासिल गरेको छ । यो सफलताको कदरस्वरूप टोखा नगरपालिकाले क्लबलाई एक करोड रुपैयाँ आर्थिक सहयोग र अभ्यासका लागि भूतखेल मैदान उपलब्ध गराउने घोषणा गरेको छ । जेठ १० गते सम्पन्न विशेष सम्मान समारोहमा नगर प्रमुख प्रकाश अधिकारीले क्लबको उपलब्धिप्रति गर्व व्यक्त गर्दै एक करोड रुपैयाँ सहयोगको घोषणा गर्नु भएको छ  ।उहाले  टोखा भगवती क्लबले स्थानीय र राष्ट्रिय स्तरमा टोखाको पहिचान स्थापित गरेको भन्दै आगामी दिनमा थप सहयोगको प्रतिबद्धता जनाउनु भएको छ    । कार्यक्रममा उपप्रमुख मुरारी तामाङले क्लबको प्रगतिलाई प्रशंसा गर्दै भूतखेल मैदानलाई प्रशिक्षण र एकेडेमी सञ्चालनका लागि उपलब्ध गराउने बताउनु भएको छ  । यो सुविधाले क्लबलाई थप व्यावसायिक र प्रतिस्पर्धी बनाउन सहयोग पुग्ने विश्वास गरिएको छ । ...

टोखा स्पोर्ट्स क्लबले चौथो नेपा वडा–२ अध्यक्ष खुला फुटसल प्रतियोगिताको विजेता बन्दै उपाधि जितेको छ । नेपा युवा क्लब चण्डेश्वरीले आयोजना गरेको यो प्रतियोगिताको फाइनलमा टोखाले बीवाईसी एफसीलाई पराजित गर्दै उपाधि कब्जा गरेको हो । जेठ ११ गते टोखा नगरपालिका–२, भत्केको पुलस्थित फ्रेन्ड्स फुटसलमा भएको फाइनल खेलमा टोखाले शानदार प्रदर्शन गर्दै ७० हजार रुपैयाँसहितको पुरस्कार हात परेको थियो  । उपविजेता बनेको बीवाईसीले ३५ हजार रुपैयाँ प्राप्त गरेको छ  । प्रतियोगिताको व्यक्तिगत पुरस्कारतर्फ बीवाईसीका महेन्द्र कार्कीले उत्कृष्ट खेलाडी र टोखाका सोनम तामाङले उत्कृष्ट गोलकिपरको उपाधि जितेका थिए  । दुवैले जनही ४,५०० रुपैयाँ र ट्रफी प्राप्त गरेका छन्  । जेठ १० र ११ गते दुई दिनसम्म चलेको यो प्रतियोगिताको समापन समारोहमा टोखा नगरपालिकाका उपप्रमुख मुरारी तामाङ र अखिल नेपाल फुटबल संघका केन्द्रीय सदस्य मनी...

बुढानिलकण्ठ नगरपालिका वडा नं. १ को आयोजनामा  ‘EFS Fight Night 6’ प्रतियोगिता आयोजना हुने भएको छ। WBC मोई  थाई नेपालको  सहकार्यमा हुने यो कार्यक्रम आगामी बैशाख २८ गते Lemon Tree Premier, बुढानिलकण्ठ-१ मा हुनेछ। कार्यक्रममा मोई  थाई , बक्सिङ्ग तथा प्रि-एक्सपर्ट स्तरका गरी जम्मा १५ वटा प्रतिस्पर्धात्मक फाइटहरू समावेश हुने छन्। त्यसमा ३ वटा प्रोफेसनल मोई  थाई, ३ वटा प्रोफेसनल बक्सिङ्ग तथा ९ वटा प्रि-एक्सपर्ट मुवा थाई नियमअनुसारका फाइटहरू हुने जनाइएको छ। यस प्रतियोगिताको मुख्य आकर्षणको रूपमा महिला सुपर फ्लाईवेट डिभिजन अन्तर्गत राष्ट्रिय उपाधिका लागि रजिना बिष्ट र अफ्सरा तामाङबीचको प्रतिस्पर्धा रहनेछ। यो फाइटले महिलाको आत्मबल अभिवृद्धि गर्नुका साथै नेपालमा महिला खेलाडीको प्रतिनिधित्वलाई थप मजबुत बनाउने आयोजकको विश्वास छ। यस प्रतियोगिताको अपरेशनल पार्टनरको रूपमा 977 Athletic Department, ...

काठमाडौं। मलेसियाको साइबरजया स्थित लिम्कोकविङ विश्वविद्यालयमा हालै सम्पन्न १६औं विश्व योगासन खेलकुद प्रतियोगितामा नेपाली विद्यार्थीहरूले उत्कृष्ट प्रदर्शन गरेका छन्। अन्तर्राष्ट्रिय योग खेलकुद महासंघ (IYSF) को आयोजनामा अप्रिल ५ र ६ मा भएको यो प्रतियोगितामा नेपालसहित ४० देशका खेलाडीहरूले सहभागिता जनाएका थिए। प्रतियोगितामा नेपालका तर्फबाट ३० जना विद्यार्थी सहभागी थिए। विभिन्न उमेर समूहमा धेरै नेपालीले पुरस्कार जित्न सफल भएका छन् । ९-११ वर्ष उमेर समूहका बालकतर्फ एसिया प्यासिफिक स्कूल धापासीका प्रयास जंग चौहानले प्रथम स्थान हासिल गरेका छन् । त्यसै गरि रोजमेरी आइडल बोर्डिङ स्कूलका अमिस पटेलले दोस्रो र नेपालकै किरण मगरले तेस्रो स्थान प्राप्त गरेका छन् । त्यस्तै, १२-१४ वर्ष उमेर समूहको बालिकातर्फ रोजमेरी आइडल बोर्डिङ स्कूलकी प्रत्यूषा खतिवडाले प्रथम स्थान जितेकी छिन । १२-१४ वर्ष उमेर स...

काठमाडौं। अन्तर्राष्ट्रिय महिला च्याम्पियनसिपअन्तर्गत नेपालले आज म्यान्मारको सामना गर्दैछ । यो खेल दशरथ रंगशालामा साँझ ६ बजेदेखि सुरु हुनेछ । प्रतियोगितामा नेपाल र म्यान्मार फाइनलमा पुगिसकेका छन् । नेपाल र म्यान्मारले यसअघिका आफ्ना दुवै खेलमा जित हासिल गरेर फाइनलमा आ–आफ्नो स्थान सुरक्षित गरेका हुन् । नेपाल र म्यान्मार दुवैले लेबनान र किर्गिस्तानलाई पराजित गरेका हुन् । गोल अन्तरका आधारमा म्यान्मार अगाडि छ भने नेपाल दोस्रो स्थानमा छ । नेपालले लेबनान र किर्गिस्तान दुवैलाई १–० गोल अन्तरले पराजित गरेको थियो भने म्यान्मारले किर्गिस्तानलाई ५–० र लेबनानलाई ३–१ गोल अन्तरले पराजित गरेको थियो । त्यस्तै, आज यो खेलअघि लेबनान र किर्गिस्तान अपरान्ह १ बजेदेखि खेल्दै छन् । फाइनलबाट बाहिरिएपनि दुवै सान्त्वना जितको खोजीमा आजको खेल खेल्दै छन् । प्रतियोगिताको फाइनल खेल बुधबार नेपाल र म्यान्मारबी...

काठमाडौं।  एनसीएमटी (NCMT) कलेज  द्वारा आयोजित दोस्रो एनसीएमटी अन्तर कलेज फुटसल प्रतियोगिता २०२५ सम्पन्न भएको छ। दुइ दिने खेल  प्रतियोगितामा १४  वटा कलेजका बिभिन्न टिमहरुले सहभागिता जनाएका थिए। खेल प्रतियोगिता २०८१  साल फागुन ९ र १० गते  मनांग मर्स्याङ्दी फुटसल, गोंगबुमा  भएको थियो। फाइनल खेलमा उत्कृष्ट खेल प्रदर्शन गर्दै  ए आइ टि एम (AITM) कलेज , ललितपुर प्रथम, र टेक्सास (Texas) कलेज, चाबहिल दितीयको  उपाधि जित्न सफल भएको थियो । त्यसै गरि सरस्वती बहुमुखी क्याम्पस, ठमेलले तेस्रो स्थान हासिल गरेको छ । राष्ट्रिय फुटबल टोलीका कप्तान किरण चेम्जोंगको प्रमुख अतिथ्यतामा उद्घाटन सहित  फाइनल खेलपछि प्रमाण पत्र तथा  पुरस्कार वितरण  समारोह सम्पन्न भएको  थियो। नृत्य तथा सांस्कृतिक क्रियाकलाप सहित आयोजित समाहरोहमा  विजेता टोलीलाई ट्रफी, प्रमाण पत्र तथा पुरस्कृत राशी प्रदान गरिएको थियो। सामाखुशी...