प्रबिधी

नियामक नेपाल दूरसञ्चार प्राधिकरणले अनुमति लिएर मात्र तोकिएको रेन्जभित्र मात्र रेडियो फ्रिक्वेन्सी प्रयोग गर्न सरोकारवालालाई सूचित गरेको छ । सोमबार एक सार्वजनिक सूचना जारी गर्दै प्राधिकरणले सेलुलर/मोबाइल, माइक्रोवेब र स्याटलाइट सेवाका लागि बाँडफाँट गरिएका फ्रिक्वेन्सीहरू अनुमति प्राप्त गरेर तोकिएको रेन्जभित्र मात्र प्रयोग गर्न अनुरोध गरेको हो । “दूरसञ्चार सेवाको रेडियो फ्रिक्वेन्सी (बाँडफाँट तथा मूल्य सम्बन्धी) नीति, २०८० मा सेलुलर/मोबाइल सेवा, माइक्रोवेब सेवा र स्याटेलाइट सेवामा प्रयोग गर्नका लागि बाँडफाँट (Allocation) गरिएका फ्रिक्वेन्सी प्रयोग गर्नुपर्दा प्रयोगको अनुमति लिएर अनुमति प्राप्त रेन्जभित्र मात्र उपरोक्त फ्रिक्वेन्सीको प्रयोग गर्नुहुन सम्बन्धित सबैको जानकारीका लागि यो सूचना प्रकाशित गरिएको छ,” प्राधिकरणले भनेको छ । बजारमा अनुमति नलिई तथा अनुमति पाएको भन्दा फरक प्रयोजनका ल...

यातायात व्यवस्था विभागको सूचना अनुसार सवारीचालक अनुमतिपत्र (लाइसेन्स) छपाइ तीन दिन बन्द हुने भएको छ । यातायात व्यवस्था विभागले सूचना जारी गर्दै जेठ २७ देखि २९ गतेसम्म लाइसेन्स छपाइ बन्द हुने जनाएको हो। स्मार्ट कार्ड प्रिन्टर मर्मत गर्नुपर्ने भएकाले छपाइ बन्द गर्न लागिएको विभागका सूचना अधिकारी गणेशमानसिं राईले जानकारी दिनुभयो । उक्त अवधिमा अत्यावश्यक सवारीचालक अनुमतिपत्र आवश्यक पर्ने सेवाग्राहीले जेठ २५ अगावै निवेदन बुझाई स्वीकृत भएको यकिन गर्नुहुन विभागले अनुरोध गरेको छ । विभागका अनुसार हाल करिब ३० लाखप्रति लाइसेन्स छाप्न बाँकी छ ।...

काठमाडौं : सरकारले रोजगारदाता र उद्यमीको समस्या समाधान गर्न श्रम संसार पोर्टल सञ्चालनमा ल्याएको छ। प्रधानमन्त्री केपी शर्मा ओलीले काम र कामदार नपाइने समस्या समाधान गर्नका लागि श्रमसंसार पोर्टल सञ्चालनमा ल्याइएको जानकारी गराएका छन्। रोजगार विनिमय कार्यक्रमलाई तुरुन्तै नागरिक एपमा जोडिने पनि उनले बताएका छन्।उनले भने, ‘सार्वजनिक सवारी साधनको सेवा दिने र लिनेले जसरी अहिले राइड सेयरिङ एप सेवा प्रचलनमा ल्याएका छन्, त्यसैगरी अब सरकारले रोजगारदाता र रोजगारी खोजकर्तलाई प्रविधिमार्फत सोझै सम्पर्क गर्नेगरी श्रमसंसार पोर्टलको आरम्भ गरेको छ।’ रोजगार विनिमय कार्यक्रमलाई तुरुन्तै नागरिक एपमा जोडिने र एकातिर काम पाइएन भन्ने र अर्कोतिर कामदार पाइएन भन्ने दुवै समस्यालाई समाधान गर्ने प्रधानमन्त्री ओलीको दाबी छ।...

काठमाडौँ: नेपाल क्लियरिङ हाउस लिमिटेड (एनसीएचएल) र मास्टरकार्डले नेपालमा डिजिटल भुक्तानी प्रणालीलाई थप प्रभावकारी बनाउन सहकार्य गर्ने भएका छन्। दुवै संस्थाले नेपाल भ्रमणमा आउने अन्तर्राष्ट्रिय पर्यटकलाई एनसीएचएलको नेपालपे क्यूआर र अन्य क्यूआर व्यापारिक स्थानहरूमा मास्टरकार्ड प्रयोग गरी सजिलै मोबाइल क्यूआर स्क्यान गरेर भुक्तानी गर्न मिल्ने व्यवस्था मिलाउने सहमति गरेका छन्। यस सहकार्यले मास्टरकार्ड प्रयोगकर्तालाई नेपालपे क्यूआर स्क्यान गरेर सामान तथा सेवाको भुक्तानी गर्न सहज बनाउनेछ। एनसीएचएलका अनुसार हाल नेपालमा नेपालपे क्यूआर र अन्य इन्टरअपरेबल क्यूआर नेटवर्कमा करिब १० लाखभन्दा बढी मर्चेन्ट आबद्ध छन्। मास्टरकार्डले विश्वभर तीन अर्बभन्दा बढी कार्ड जारी गरिसकेको छ। एनसीएचएल नेपाल राष्ट्र बैंक तथा बैंक तथा वित्तीय संस्थाहरूको संयुक्त लगानीमा स्थापना भएको कम्पनी हो। यसले इलेक्ट्रोनिक चेक क्...

काठमाडौँ– महान्यायाधिवक्ता कार्यालयले डिजिटल अपराध नियन्त्रण, अनुसन्धान, अभियोजन तथा न्यायिक प्रक्रियामा अन्तरराष्ट्रिय सहकार्य प्रवर्द्धन गर्ने उद्देश्यले ‘डिजिटल अपराधसम्बन्धी अन्तरराष्ट्रिय सम्मेलन’ आयोजना गर्ने भएको छ । कार्यालयले आज यहाँ पत्रकार सम्मेलन आयोजना गरी यही फागुन १५ र १६ गते सम्मेलन आयोजना गर्न लागेको जानकारी दिएको हो । महान्यायाधिवक्ता रमेश बडालले सम्मेलनमा डिजिटल अपराध अनुसन्धान, अभियोजन तथा न्यायिक प्रक्रियालाई प्रभावकारी बनाउन अन्तरराष्ट्रिय अनुभव आदानप्रदान गर्दै कानुनी, नीतिगत तथा संस्थागत सुधारको मार्गचित्र तय गर्ने बताउनुभयो । काठमाडौँमा हुने सम्मेलनमा नेपाल, संयुक्त अधिराज्य (बेलायत), नेदरल्यान्ड्स, मलेसिया, साउदी अरेविया, सिङ्गापुर, माल्दिभ्स, दक्षिण कोरिया, अजरबैजान, भारत, चीन, श्रीलङ्का, नर्वे, रुसलगायत १३ राष्ट्रका ९० भन्दा बढी सरकारी वकिल, कानुनविज्ञ, न्...

नेपाल टेलिकमले आफ्नो २१औँ वार्षिकोत्सवको अवसरमा आजदेखि ई-सिम सेवा लिन सकिने जनाएको छ । नेपाल टेलिकमको यो सुविधा एप र वेबसाइटबाटै पाइने भएको छ । मंगलबार भद्रकालीस्थित नेपाल टेलिकमको केन्द्रीय कार्यालयमा आयोजित  २१ औं वार्षिकोत्सवको अवसर पारेर उक्त सेवा सुरु गरेको टेलिकमकी प्रबन्ध निर्देशक संगिता पहाडीले बताइन् । उनले भनिन्, ‘अहिलेसम्म ग्राहकहरूले ई-सिम लिनका लागि काउन्टरमा जानुपर्ने बाध्यता थियो । अब ग्राहकहरूले यो सेवा नेपाल टेलिकम एप र वेबसाइटमार्फत् सहजै प्राप्त गर्न सक्नेछन् ।’ ई-सिम एक प्रकारको डिजिटल अर्थात् इम्बेडेड सिम हो । ई-सिम उपलब्ध भएपछि अहिलेको जस्तो भौतिक रूपमा प्रयोग गरिने सिमकार्डको आवश्यकता पर्दैन । यसका लागि ई-सिम सपोर्ट गर्ने ह्यान्डसेट भने आवश्यक हुन्छ । यसबाट फोन गर्ने र डाटा चलाउने लगायतका विभिन्न कार्य गर्न सकिन्छ। ई-सिम प्रयोगमा आए पश्चात् सिमकार्ड परिवर...

 बैंक खाता खोल्न अब राष्ट्रिय परिचयपत्र चाहिने भएको छ । नेपाल राष्ट्र बैंकले बैंक तथा वित्तीय संस्थाहरूलाई जारी गरिएको एकीकृत निर्देशन, २०८० मा संशोधन गर्दै यस्तो व्यवस्था गरेको हो । राष्ट्र बैंकले जारी गरेको निर्देशनमा भनिएको छ, ‘बैंक तथा वित्तीय संस्थाले २०८१ माघ १ गतेदेखि राष्ट्रिय परिचयपत्रको विद्युतीय अभिलेखमा रहेको विवरणको पहुँचका आधारमा राष्ट्रिय परिचयपत्र वा राष्ट्रिय परिचयपत्र नम्बरको विवरण यकिन गरी अनिवार्य रूपमा राष्ट्रिय परिचयपत्र वा राष्ट्रिय परिचयपत्र नम्बरका आधारमा खाता खोल्ने व्यवस्था मिलाउनुपर्नेछ ।’ नेपाल सरकारले सामाजिक सुरक्षा लगायतका सरकारी भुक्तानी दिनुपर्ने अवस्थामा सम्बन्धित सरकारी निकायले उपलब्ध गराएको विवरणका आधारमा बैंक तथा वित्तीय संस्थाले खाता खोल्नु पर्ने पनि व्यवस्था गरिएको छ । त्यस्तो खाताबाट रकम झिक्नु अघि यस निर्देशन बमोजिम ग्राहक पहिचान तथा सम्पुष्टि गर...

नेपाल राष्ट्र बैंकको पछिल्लो प्रतिवेदनअनुसार, सूचना प्रविधिसम्बन्धी सेवा र उत्पादन निर्यातबाट नेपालले दुई महिनामा ३ अर्ब रुपैयाँ आम्दानी गरेको छ । साउन महिनामा मात्र यस निर्यातबाट १ अर्ब १४ करोड रुपैयाँको आम्दानी भएको छ । चालु आर्थिक वर्षको पहिलो दुई महिनामा सङ्कलित आम्दानी गत वर्षको सोही अवधिको तुलनामा ५६ करोड ८४ लाख रुपैयाँ बढी हो, जसमा गत वर्षको पहिलो दुई महिनामा सूचना प्रविधि निर्यातबाट २ अर्ब ५० करोड रुपैयाँको आम्दानी भएको थियो । विभिन्न अध्ययनहरूले नेपालको सूचना प्रविधि क्षेत्रले विशेष गरी सफ्टवेयर विकासमा सकारात्मक आर्थिक योगदान पुर्याएको र नेपाली जनशक्तिले विदेशमा पहिचान बनाएको देखाएको छ । इन्स्टिच्युट फर इन्टिग्रेटेड डेभलपमेन्ट स्टडिज (आईआईडीएस) का अनुसार, नेपालको सूचना प्रविधि क्षेत्रले वार्षिक झन्डै ६७ अर्ब रुपैयाँ (५१५ मिलियन अमेरिकी डलर) आम्दानी गरिरहेको छ । करिब ६६ हजार आई...

काठमाडौं । बागमती प्रदेशमा अब भौतिक सवारी चालक अनुमति पत्र (लाइसेन्स) बोकेर हिँड्नुपर्ने बाध्यता हटेको छ । नागरिक एपमा लिङ्क गरिएको लाइसेन्सबाटै चिट दिन सकिने व्यवस्था लागू भएपछि लाइसेन्स बोकेर हिँड्नुपर्ने बाध्यता हटेको हो । यो सेवा लागू भएसँगै ट्राफिक चेकिङको समयमा सवारी चालकले आफ्नो नागरिक एपमा लिङ्क भएको क्यूआर कोड सहितको लाइसेन्स देखाउन सक्छन् । चेकिङको क्रममा कुनै ट्राफिक नियम उल्लङ्घन भई जरिवाना तिर्नुपर्ने अवस्था भए चालकले अनलाइनमार्फत चिट प्राप्त गर्न सक्छन् । यसरी प्राप्त भएको चिटमा तोकिएको जरिवाना डिजिटल पेमेन्ट सिस्टम मार्फत तिर्न सकिन्छ । चालकले जरिवाना तिरेको वा नतिरेको भन्ने विवरण प्रहरीको 'Traffic Violation Record System' मा रहने हुँदा जरिवाना भरपाई नभएसम्म दोस्रो पटक कुनै कसुरमा ई-चलान (चिट) प्राप्त गर्न सकिंदैन । जरिवाना भरपाई भएको विवरण पनि नागरिक एपमै प्राप्त ग...

गुगल म्याप केवल एउटा नक्सा देखाउने प्रणाली मात्रै होइन, यो एउटा पावरफुल टूल हो जसले तपाईंको यात्रालाई सजिलो र रमाइलो बनाउँछ । चाहे तपाईं नयाँ शहरमा हुनुहोस् वा आफ्नै शहरमा घुमिरहनु भएको छ, गुगल म्याप्समा धेरै यस्ता फिचरहरू छन् जुन तपाईंलाई मद्दत गर्न सक्छन् । गुगल म्याप्स गुगलको इन–हाउस एप हो जुन फोनमा पहिल्यै इन्स्टल गरिएको हुन्छ । आज हामी तपाईंलाई गुगलका केही उत्कृष्ट फिचरहरूबारे बताउँछौं, जसबारे तपाईंलाई पक्का थाहा हुनुपर्छ । यी फिचरहरूले तपाईंलाई मद्दत पुयाउँछन् । गुगल म्यापको सबैभन्दा लोकप्रिय फिचर भनेको तपाईं एपमा आफ्नो स्टार्टिङ पोइन्ट र डेस्टिनेसन पोइन्ट मात्र राख्नुहोस्, र गुगल म्याप्सले तपाईंलाई त्यहाँ पुग्ने सबैभन्दा छिटो र सजिलो बाटो देखाउनेछ । पब्लिक ट्रान्सपोर्ट यदि तपाईं बस, वा क्याबबाट यात्रा गर्न चाहनुहुन्छ भने, गुगल म्याप्सले तपाईंलाई पब्लिक ट्रान्सपोर्टका विकल्प...