टोखा खबर

टोखा नगरपालिकाद्वारा आयोजित चौथो नगर स्तरीय राष्ट्रपति रनिङ शिल्ड प्रतियोगिता २०८१ को उद्घाटन भएको छ । माघ २९ गतेदेखि फाल्गुन ३ गते सम्म संचालन हुने प्रतियोगिताको आज तिलिङटार माध्यामिक विद्यालय,धापासीमा  उद्घाटन भएको हो । नगर प्रमुख प्रकाश अधिकारीको सभापतित्व र मा. स्वास्थ्य तथा जनसंख्या मन्त्री प्रदीप पौडेलको प्रमुख अतिथ्यतामा भएको कार्यक्रममा संयुक्त रुपमा ब्यानर सहितको बेलुन उडाएर प्रतियोगिताको उद्घाटन गरिएको थियो । उद्घाटन कार्यक्रममा नगरपालिका बाट नगर उपप्रमुख मुरारी तामाङ, प्रमुख प्रशासकीय अधिकृत शेर बहादुर बि.सी., नगर प्रवक्ता बच्चुराज बस्याल, नगर खेलकुद समिति संयोजक नरोत्तम राना, वडा अध्यक्ष तथा कार्यपालिका सदस्यहरू, तिलिङटार मा वि का प्रधानाध्यापक सरोज पाण्डे, नगरपालिकाका कर्मचारीहरू, पत्रकारहरू, विद्यार्थीहरू तथा स्थानीय जनसमुदायहरुको उपस्थिति रहेको थियो। उद्घाटन...

काठमाडौँको टोखा-६ मा रहेको एसिया प्यासिफिक स्कुलले तेस्रो अभिभावक दिवस सम्पन्न गरेको छ । २५ र २६ गते दुइ  दिन बिबिध कार्यक्रम गर्दै  स्कुलले अभिभावक दिवस सम्पन्न गरेको हो । २५ गते पहिलो दिन नर्सरी देखि कक्षा ३ सम्मको अभिभावक दिवसको कार्यक्रम गरेको  थियो भने कक्षा ४ देखि १२ सम्मको अभिभावक दिवस को कार्यक्रम  दोस्रो दिन २६ गते शनिवार गरेको  थियो । अभिभावक दिवसको दुइ दिने कार्यक्रममा बालबालिकाहरूका नाटक, नृत्य तथा विभिन्न गतिविधि प्रस्तुत भएका थिए ।  सोहि कार्यक्रममा डा. राजु अधिकारीद्वारा लिखित "बनौँ संस्कारी" पुस्तकको लोकार्पण समेत भएको थियो । पहिलो दिन अभिभावक दिवसका अवसरमा बोल्दै साहित्यकार तथा वरिष्ठ सञ्चारकर्मी डा. नवराज लम्सालले बालबालिकाहरूको उज्ज्वल भविष्यका लागि विद्यालयसँगै अभिभावकहरूको पनि भूमिका महत्त्वपूर्ण हुने बताएका थिए । दोश्रो दिनको कार्यक्रममा उपस्थित स्वास्थ्य तथ...

नगर प्रमुखकाे सक्रियतामा टोखामा सार्वजनिक जग्गा संरक्षण गर्ने कार्य तिब्र रुपमा भइरहेको छ ।आज बिहान  बसुन्धारा इसान अस्पताल क्षेत्रमा रहेको १०.५ रोपनी सार्वजनिक जग्गा संरक्षण गर्ने कार्य सक्रिय रुपमा भयको हो  । लामो समयदेखि विभिन्न व्यक्ति र कवाडी व्यवसायीहरुले सो जग्गा प्रयोग गर्दै आइरहेका थिए । माघ २४ गतेसम्मको समय दिएर घर टहरा तथा कवाडी हटाउन नगरपालिकाले यसभन्दा अगाडी अन्तिमपटक पत्राचार गरेको थियो । आज बिहान नगर प्रहरी, नेपाल प्रहरी, स्थानीय जनता र जनप्रतिनिधिहरुको सक्रियतामा जग्गा खाली गराएर चारैतिर तारबार लगाउने कार्य सुरु भएको हाे ।स्थानीयहरुले सार्वजनिक जग्गामा भएको घर-टहरामा डोजर लगाई हटाउन र सार्वजनिक जग्गा संरक्षण गर्न बारम्बार नगरपालिकालाई अनुरोध गर्दै आएका थिए । टोखा ५ का वडाअध्यक्ष मदनकुमार गुरुङकाअनुसार कुनैपनि घर-टहरा र अस्थायी संरचना सरकारी जग्गामा राख्न नदिने र आव...

टोखा-३ ढलमलटारमा पानीको डीप बोरिङ आयोजना उद्घाटन गरिएको छ। वडा नं ३ स्थित  ढलमलटार क्षेत्रमा स्वच्छ खानेपानीको सहज उपलब्धताको  लागि  धमलटार युवा क्लबको पहलमा  टोखा नगरपालिकाको सहकार्यमा यो आयोजना सुरुवात भएको हो । आजको उद्घाटन समारोहमा पूर्व उपप्रधानमन्त्री तथा रक्षा मन्त्री ईश्वर पोखरेल, नगर प्रमुख प्रकाश अधिकारी, उप प्रमुख मुरारी तामाङ, वडा नं. ३ का वडा अध्यक्ष रमेश डङ्गोल लगायत अन्य स्थानीय हरुको उपस्थिति रहेको थियो। नगर प्रमुख अधिकारीले यो परियोजनाले स्थानीय बासिन्दाको सुविधाका लागि पानीको व्यवस्थापनलाई प्राथमिकतामा राखेको र सोहि अनुसार कार्य गरेको बताउनु भयो । यसै गरि उपप्रमुख तामाङले नगरपालिका सदैब  जनताको आवश्यकतालाई सम्बोधन गर्दै अगाडि बढ्ने भएकाले येस्ता कुरामा आफ्नो प्रतिबद्धता रहेको कुरा बताउनु  भयो । ढलमलटार बासि स्थानियहरुले यस योजनालाई स्वागत गर्दै पानीको नियमित ...

टोखामा नगर प्रमुखबाट किशोरीहरुलाई क्युआर कोड वितरण गर्दै एचपीभी खोप अभियान सुरु भएको छ। आज टोखा ७ को तिलिङ्गाटार मा.वि.मा आयोजित एक औपचारिक कार्यक्रममा नगर प्रमुखले किशोरीहरुलाई क्युआर कोड वितरण गरेर  पाठेघरको मुखको क्यान्सर विरुद्ध एचपीभी खोप अभियानको उद्घाटन गरेका छन् । विद्यालय केन्द्रित यो खोप अभियान माघ २२ गतेदेखि फागुन ६ गतेसम्म देशभरि एकै पटक सञ्चालन गर्न लागिएको छ । नेपालमै पहिलोपटक टोखा नगरपालिकाले कोरोना महामारीमा पनि कोभिड–१९ भ्याक्सीन लगाउनेहरुलाई क्युआर कोड वितरण गरि एप्स बनाएर अनलाइनमा डाटा रेकर्ड राख्ने काम गरेको थियो । त्यस्तै अहिले एचपिभि खोपको पनि एप्समा डाटा राख्नका लागि विद्यालयले उपलब्ध गराएको डाटाअनुसार नगर स्वास्थ्य शाखाले क्युआर कोड बनाई किशोरीहरुलाई वितरण गरेको थियो । खोप लगाउने समयमा किशोरीहरुको क्युआर कोडलाई स्वास्थ्यकर्मीले स्क्यान गरी एप्समा डाटा रुजु गरे...

टोखा नगरपालिका द्वारा संचालित  विष्णुमति सरसफाई  महाअभियान ३६ औँ हप्ता सम्पन्न भएको छ  । कला संस्कृति युक्त स्वच्छ समुन्नत टोखा नगर बनाउन टोखा नगरपालिकाले  हरेक शनिबार विष्णुमति नदि सरसफाई गरदै आएको छ । नगर प्रमुख प्रकाश अधिकारी, प्रमुख प्रशासकिय अधिकृत शेरबहादुर बिसी, वडाअध्यक्ष रमेश डंगोल, वडासदस्य अनुप राई र महेश थपलियासहित, नगर प्रहरि, सशस्त्र प्रहरि, सामाजिक अभियान्ता, सरसफाईकर्मीहरु र लायन्स क्लवको सहभागिता रहेको थियो । आजको कार्यक्रममा करिव १०० जनाको सहभागिता रहेको थियो । सफाईकर्मीहरुले खोला र करिडोर क्षेत्रमा सफाई गरेका थिए । आगामी हप्ताको कार्यक्रममा सफाईसँगै करिडोर सडक खुलाउने कार्यमा नगरपालिका लागेको छ । अभियान्ताहरुले करिव १ किलोमटिर खोला सफाई गरेका थिए ।...

टोखा नगरपालिकाले नगर क्षेत्र भित्र एच.पि.भि.खोप अभियान सन्चालन सम्बन्धमा स्थानिय तहका खोप समन्वय समिति तथा संचारकर्मिहरुका लागि अभिमुखिकरण तथा गोष्ठी सम्पन्न गरेको छ । नगर प्रमुख श्री प्रकाश अधिकारीज्यूको अध्यक्षतामा समन्वय समिति तथा संचारकर्मिहरुलाइ एच.पि. भि.खोप सेवा सन्चालनको कार्यनीति तथा पाठेघरको मुखको क्यान्सर रोग निवारण सम्बन्धमा जानकारी गराउदै अभिमुखिकरण तथा बहस-पैरवी गोष्ठी सम्पन्न भएको थियो । आज नगरपालिकाको सभाहलमा भएको कार्यक्रममा नगरपालिकाका प्रबक्ता, विभागीय शाखा प्रमुखहरु, कार्यपालिका सदस्यहरु,वडाका वडाध्यक्षहरु,जनप्रतिनिधिहरु तथा संचारकर्मीहरुको उपस्थिति रहेको थियो । कार्यक्रममा नेपालमा पाठेघरको मुखको क्यान्सर रोग, रोग रोकथामको रणनीति र एच.पि.भि.खोप सेवा सन्चालनका बिषयहरुमा जानकारी गराइएको थियो । साथै टोखा नगरपालिका अन्तर्गत रहेका करीब ९ हजार भन्दा धेरै किशोरीहरुलाइ...

नगर क्षेत्र भित्र रहेका सामुदायिक भवनको लगत संकलनका लागि टोखा नगरपालिकाले सक्रियता कायम राखेको छ । सार्वजनिक सम्पतिको रुपमा रहेका सामुदायिक भवनको लगत संकलनको लागि नगरपालिकाले आफ्ना एघारै वटा वडालाइ हालै मिति २०८१ माघ ९ गते पुनः ताकेताको पत्र जारि गर्दै आफ्नो सक्रियतालाइ निरन्तरता दिएको हो । ‎ नगरपालिकाले सार्वजनिक सम्पति संरक्षण गर्न र त्यस्ता सार्वजनिक सम्पतिलाइ नगरपालिकाको स्वामित्वमा ल्याई आवश्यक ब्यबस्थापान गर्ने सन्दर्भमा यो प्रक्रिया अगाडी बढाएको हो । यस अघि मिति २०८१ असार ०५ मा सामुदायिक भवनहरुको विवरण नगरपालिका कार्यालयमा २०८१ असार ०७ गते भित्र उपलब्ध गराईदिन सबै वडाहरुलाइ पत्राचार गरेको थियो । मिति २०८० जेष्ठ १६ गते बसेको चौधौं नगरकार्यपालिका बैठकको निर्णयानुसार सामुदायिक भवन को लगत संकलन तथा भाडादर निर्धारण समिति गठन भएको थियो । सो अनुसार गठित कार्यदलको मिति २०८१ असार ५ गते बसे...

आज देश भर माघे संक्रान्ति पर्व मानिदैछ। माघ महिनाको पहिलो दिन जसलाई माघे संक्रान्ति, मकर संक्रान्ति, माघी पर्व समेत भनेर चिनिन्छ । फरक ठाउँ र फरक समुदायले फरक नाम र तरिकाले मनाए पनि ज्योतिष विज्ञानको मान्यता अनुसार यो दिनबाट सूर्य धनु राशिबाट मकर राशिमा प्रवेश गर्ने र सूर्य दक्षिणी गोलार्द्धबाट उत्तरी गोलार्द्धतर्फ प्रवेश गर्ने गर्दछ । यो जाडो यामको मध्य समयमा पर्ने पर्व हो तथापी यसले समय जाडो याम बाट गर्मि तर्फ बढ्दै गरेको परिवर्तनलाई संकेत गर्ने गर्दछ । माघे सङ्क्रान्ति लाइ नेवार समूदायमा ‘घ्यूचाकु सँल्हु’ नामले मनाइने गरिन्छ । यो समयमा चाकुमा तिल मिसाएर लड्डु बनाएर खाने तथा दान दिने चलन रहेको छ। यसै गरि मधेशमा मैथिल र थारुसमुदायहरुले यो चाड लाइ नयाँ वर्षका का रुपमा मनाउने गर्दछन । तराईवासीले माघ १ लाई नहान अर्थात् नुहाउने पर्वका रूपमा मनाउँछन् । तराईवासीले आज अनिवार्य नुहाउनुपर्ने म...

टोखा नगरपालिकाको १६ औँ अधिवेशन आज सम्पन्न भएको छ । नगरसभाको हिउँदे अधिवेशन स्वरूप नगर उपप्रमुख मुरारी तामाङले आ.ब. २०८१/८२ को आय–व्ययको संशोधन प्रस्ताव प्रस्तुत गरि अधिवेशन सम्पन्न भएको हो । अधिवेशनले आर्थिक ऐनको संशोधन प्रस्ताव तथा नगरसभामा पेस भएको  ६ महिने आय–व्यय एबम  १६ बुँदे बिभिन्न  कार्यक्रमलाई समेत  सर्वसम्मतीले पास गरेको छ। उपप्रमुख  तामाङद्वारा  यस अघिको नगरसभाको पन्ध्रौं अधिवेशनवाट १५१आयोजना  स्वीकृत भएकोमा ६५ आयोजनाहरु सम्पन्न भईसकेको र  अन्य आयोजना कार्यान्वयनको चरणमा रहेको  विवरण प्रस्तुत गरिएको  थियो । चालु आर्थिक बर्षको लागि स्वीकृत वजेट मध्ये हाल सम्म (पुस २६) मसान्त सम्म चालु तर्फ रु. १८ करोड ८७ लाख ६२ हजार अर्थात २५.५ प्रतिशत तथा पुंजीगत तर्फ रु ८ करोड ११ लाख ७४ हजार अर्थात ८.४६ प्रतिशत गरी कूल रु. २६ करोड९९ लाख ३६ हजार अर्थात १५.८८ प्रतिशत खर्च भएको जानकारी दिइएको थिय...